咁多位车友们大家好，在下Kelvin，系一名来自广州嘅宝马前期版G28宝马320Li（以下统称3仔）车主。部3仔系自己手上已两年有多，从提车至今，揸咗3万几公里，唔多唔少都算系有翻啲用车小心得。近日，身边一位好友在自己“怂恿”下买咗部改款后嘅宝马G01 X3 25i，作为3仔车主嘅我，当然“义不容辞”地将好友爱车“借”出嚟蹂躏一番，以下就同大家来简单分享下作为一名3仔车主、试驾完SUV版“3仔”后嘅一啲试驾心得。

先吐槽下自己部3仔先，G28/G20呢代已经系第七代，每一次车型迭代，3仔系驾驶以及配置、豪华感上都有一定程度嘅升级。第七代车型上同样如此，作为一部在欧洲被划归D级（D-Segment，紧凑型行政级轿车）的3仔，它往豪华、乘坐舒适性方面升级的确没毛病，但嚟到G世代，3仔上所发生嘅变化，的确有啲“大”。尼道讲嘅噶大，最主要系体现在车身尺寸上，轴距方面，F世代3仔的标轴版为2810mm，长轴为2920mm，G世代短轴为2851mm，长轴为2961mm。从数据上睇，貌似变化并非咁大，但可以很负责地同各位讲，开起身就完全系两码事。根据先前试驾过全原装F35 320Li嘅经验，两部车在车身跟随性、灵活性、呔感上，相差太大，特别是系内环上“稍微开快啲”，前方遇到慢车需要“抽呔”变线噶时候，感觉非常明显。讲真在试驾完F35再揸翻自己部G28，突然令我有种揸紧部雅阁噶Feel。

Well~虽然在大家眼里面宝马3仔一直是以优越的驾驶乐趣为车型主打卖点，搞到好似一部车唔运动就唔系宝马咁。只可惜，本人并不苟同这点，虽然自己本身也是一个热爱驾驶的人，但随住年纪增长，家里人也一天一天老去，拥有一台坐起身舒服，而且空间宽敞嘅3仔，其实都冇咩唔好啊。系~系同样普通版车型嘅前提下，G世代噶宝马开起身确实冇F世代那么好玩，但G世代又确实更豪华、空间更大、乘坐舒适感更迷人，呢点冇花冇假。加且，3仔话晒都系部D级车吖，豪华啲、舒适啲系冇错噶喔，代步车就唔好动不动就运动感嘞，动力系、避震软，可能连条防倾杆都幼啲，标榜乜春嘢运动吖，果啲一日到黑话3仔唔运动就冇晒灵魂噶“西人”，屌，你老乸俾钱你去买车就唔好弹上天扮蟹啦，自己搵钱返嚟出部车代步，就一家人舒舒服服永远都系排第一嘅，想运动，去买部M3M4咯，得把口讲嚟托杉么！

配置方面，各位G世代3仔车主相信清楚，320Li同325i耀夜版噶售价其实差唔多，325i啲配置更高，而且用嘅仲系非“涡轮减压”版B48 2.0T机头，论驾驶、私人用车体验确实是325i 耀夜版更抵玩。但、但、但系，在手头唔似各位大佬咁松噶前提下（屋企有两部车或以上），屋企人（乘坐舒适性）始终仲系放在第一位，最终就选定了320Li。

图：“小黑”同一位好友新提的Mini JCW一起合照一张~毕竟一个横摆前驱B48，一个栋企摆后驱嘅B48嘛。

至于好友部G01 X3，虽然系低配的25i，但毕竟X3接近40万人民币的起售价摆在这里，因此在配置上还是会稍微高少少（自动远近光切换大灯、车内防炫目后视镜、车内氛围灯、碰撞预防系统、Harman/Kardon音响等）。加上因为唔似G世代3仔为了压低售价推出“涡轮减压”版320的缘故，搭载B48 2.0T机头原装184匹马力，300牛扭矩的X3 25i，在动力的跟脚性上还算可圈可点。操控方面，X3毕竟系台SUV车型，所以在操控上就肯定不能和轿车的3仔相提并论（差距主要体现在避震行程、车辆中心上）。但是，G01 X3依然是我试驾过咁多日系（CR-V、奇骏、冠道、凌志GX）、欧系SUV（大众途昂、奔驰GLC、GLB、奥迪Q5、Q3）车型后，自认为最好揸嘅一部。

个人认为G01 X3之所以能俾人一种好开嘅感觉，除了动力反应够跟脚外，就是在避震器上下的功夫了。车上的四担原厂避震，虽然是行程比较长，但在“稍微”激烈驾驶的情况下，依然能提供相当唔错嘅车身支撑性。有了一定的车身支撑性，驾驶信心自然就上来了。再加上，原装配备的倍耐力P7防爆胎的抓地力还算可以接受，自然就为X3提供一个在D-SUV里还算是几OK噶驾控体验。

图：讲真，G世代X3上的中控大屏真系好过瘾。

但是，在我试驾G01 X3发现G世代宝马的通病依旧存在（起码在我自己噶3仔和好友的X3上有），波箱在1升2档或2转1档时那种较大的顿挫感。在市区塞车走走停停，这种顿挫感相当难受，作为驾驶者的我塞车塞耐左之后都会觉得烦，更何况车内的其他乘员。照理来讲，AT波箱唔应该出现如此夸张的顿挫，但事实上这种顿挫感就是存在。一开头，我都有谂过会唔会系波箱齿比嘅问题，导致1、2档之间的转速落差非常大，但后尾同其他G世代3仔车主了解过后，发现只要重新刷写个波箱电脑程序后，这种顿挫感便能明显地减少许多。所以是波箱和机头之间的匹配问题？冇理由吖~B48搭ZF 8AT呢种动力单元配置，从2012年F30 3仔开始就已经使用了，双方在经过了长达10年的磨合期后唔可能会出现该问题。加上之前我在试驾F35 320Li时并某明显发觉到这种明显的顿挫感。

在近段时间，我仲有霖过会唔会是因为G世代3仔噶避震设定比起F世代更软的原因，导致顿挫感增加。加上在X3上这种顿挫感更加明显了，考虑X3上较软且较长的避震行程，另我不得不往这个方向思考。

鸠吹咗咁耐，都是时候要来做个总结嘞：坦白讲，试完老友部X3后，令我有了想同佢换车揸嘅谂法，哈哈哈哈。毕竟320Li本身就冇太多运动属性可言，加上台轿车嘅车身形态，所以在空间上和X3完全是两回事。既然依噶自己都开始往顾家方面转型了，甘不如换部X3好过？